蜚聲國際嘅中國鋼琴家李雲迪早前喺韓國首爾嘅音樂會上，作為客座鋼琴演奏《蕭邦第一協奏曲》第一樂章時發生失誤，突然唔記得要彈乜嘢，演奏被迫突然中斷。據聞，李雲迪竟然將事故責任推卸畀樂隊同埋指揮身上，並有觀眾要求退票。

李雲迪為首爾音樂會上出現失誤致歉。（互聯網圖片）

李雲迪日前就喺官方微博作出回應，承認因為舟車勞頓導致失誤，但絕唔存在將責任推卸畀指揮嘅行為，更唔存在退票一事，並感謝大家嘅關心同支持。

隨後，李雲迪作出正式道歉，佢話：「非常抱歉在前天首爾音樂會上出現失誤，在此向樂迷朋友們道歉！非常感謝樂團和指揮的包容和支持。作為一個鋼琴家我深知無論任何理由，都必須在舞台上交出一百分的表現，任何解釋都是蒼白的。謝謝大家的指教。」

第一手消息請下載on.cc東網iPhone/iPad/Android/Windows Phone Apps