政壇：梁宏正上京懶戴口罩

北京空氣污染嚴重，霧霾令唔少人都好頭痛，菁英會榮譽主席Clarence梁宏正出席香港北京交流協進會嘅成立典禮時話，自己一年都去五、六次北京，雖然佢都有氣管敏感，但就唔會戴口罩，因為懶喎，仲話對於空氣污染呢件事都唔會太緊張，因佢通常留喺室內，影響唔太大。

梁宏正有信心北京將來可以解決空氣污染問題。

Clarence又話北京並非全年空氣都咁差，情況相比早一、兩年已經冇咁嚴重。當地政府都好重視空氣污染問題，各部門都諗緊辦法。佢又話覺得依家北京嘅情況同八十年代嘅倫敦差唔多，有信心北京將來都可以解決空氣污染問題。

講番協進會成立，中華廠商聯合會永遠名譽會長施榮懷出任會長，多名全國政協常委出任名譽會長。