內地取消「一孩政策」，全面允許實施「二孩政策」，令港人擔心內地人來港衝急症室或搶奶粉情況惡化，食衞局局長Dr.高表示「零雙非」政策有效，但有市民心急如焚，要搵Dr.高傾傾。

市 民：死啦，實施「二孩政策」，我哋死啦！

Dr.高：唔使驚，淡定有錢剩！

市 民：萬一佢哋湧晒落嚟搶奶粉點算？

Dr.高：唔怕嘅，咪囤積定奶粉，安心喇啩？

市 民：咁好短視啫，淨係幫到自己。

Dr.高：要咁長遠有咩用？都未殺到埋身。

市 民：唉，你咁搞法，盞畀人鬧爆！

Dr.高：有計，你拿拿臨結婚生仔，快人一步，咁咪唔使怕啲人同你爭囉！

市 民：咁都得？

第一手消息請下載on.cc東網iPhone/iPad/Android/Windows Phone Apps