有學生埋頭苦讀,運房局局長炳炳見到,即上前加以讚許,可惜人算不如天算,自己所想往往與現實大相逕庭。
炳炳︰咁認真溫書,抵讚!
學生︰無計,我希望入到大學。
炳炳︰都係嘅,讀到大學就可以有「四仔」。
學生︰講呢啲……
炳炳︰唔係咩?讀完之後就可以買屋仔、買車仔、娶老婆仔、養狗仔。
學生︰乜你咁out,依家點睇都係「三仔」就真!
炳炳︰吓?係邊「三仔」?
學生︰出嚟人工低就做騾仔,自然娶唔到老婆就無得生仔,最弊買唔到樓要黐家做衰仔!