政壇：協青社獲「暴走車」 助夜青重返正途

協青社早前獲贈一輛「暴走車」，取代用咗近十年嘅舊車，用作外展服務接觸夜遊青年。新「暴走車」車身依舊噴上塗鴉，但發電機馬力比以前大，更設有冷氣畀青年喺舒服環境下打機、唱卡啦OK等，而音響設備亦會跟車出動，外展時搬落車，讓青年配合音樂去跳街舞、踩滑板，吸引佢哋參與正面活動，從而遠離不法分子同毒品。協青社會長區璟智前日就同總幹事李文烈，喺捐贈機構富衛保險香港及澳門首席市務總監謝振國、行政總裁黃大偉手上接收「暴走車」，望新車能夠幫到更多青年啦！