城中鏡：李俊豪潮裝哈囉喂

Fredrick認為，萬聖節裝身離不開黑色、橙色同骷髏頭骨，不過，都可以喺呢啲元素中強調個人風格嘅，睇番佢呢一身似乎混合咗歐洲紳士同現代簡約嘅風格，只需喺件褸出面加一個骷髏頭骨裝飾已經襯到絕，行街、食飯甚至去派對都使得。

講完着裝，原來財經界仲有一個萬聖節指標嘅說法，即係十一月到四月呢半年期間個股市，一般會「老利」過五月到十月嗰半年，信嘅人會喺十月三十一日入貨，然後到翌年四月賣貨，呢個指標有幾靈？有洋人傳媒統計過，由○二年中至今年九月三十號回報統計，跟「萬聖節指標」買賣嘅年回報有7.4%。