政壇：葉志成拍自傳 搵劉松仁做戲

套戲嘅內容係，上世紀七十年代，大批內地青年游水落嚟香港，由零開始打拚。主角「劉松仁」同阿妹就係其中兩個，佢哋兩兄妹喺一九七一年，就拎住四千蚊，喺西環一個只得四十平方呎嘅鐵皮橫門創業，之後打拚咗好多年，就有今時今日嘅成就。

戲入面嗰檔四十平方呎鐵皮橫門生意，起名「恆昌行」，亦即係葉氏化工嘅前身。咁劉松仁飾演邊個？你話呢。點解搵劉松仁？公司話留番遲啲葉老闆親自解畫喎。另外內地演員呂星辰及吳俊余都有份演出，套戲預計出年下半年喺香港同內地全國上映，收益不扣除製作成本，會全數捐作慈善用途。