政壇：何秀蘭叫男官易服 感受女人如廁之苦

Cyd批評政府對男女廁比例嘅新建議係遠遠不足，質問羅淦華當局喺草擬法例、進行諮詢及顧問研究時究竟有幾多女人參與，又建議官員着晒成套女人冬天衫試吓去廁所要幾耐時間︰「仲要着埋大褸、揹埋手袋，着埋襪褲、裙呀諸如此類，都唔叫你着bodysuit，你試下搞晒成套，同你哋啲男人去拉條拉鏈時間差幾耐！」

Cyd又投訴葵青劇院女廁不足，但劇院一行有七十個座位，啲座位又窄過航空公司經濟客位，萬一中場休息去廁所返唔切埋位，就要「檻」過三十五對大髀先行得返埋座位，覺得新建議比例套落文化設施場所嘅女廁係更加不足喎。如果Cyd返唔切座位，下次不妨可以揀近洗手間或走廊嘅座位吖。