政壇：官仔骨骨陳維安 捱過地盤

Kenneth受從事土木工程嘅爸爸影響，當年嘅夢想係做土木工程師去修橋築路。佢透露，大學一年級暑假實習，曾經喺牙鷹洲參與青衣填海工程，佢仲話當時唔覺得好熱，笑稱可能全球暖化所以依家嘅夏天先咁熱喎！不過，佢最後都放棄呢個夢，因為佢發現木土工程無大嘅科技進展，好似落石屎幾十年都一樣，所以轉去研究火箭發射同個人電腦。畢業後再「轉行」將知識應用到金融分析，到今日又投身官場，轉變甚大。

Kenneth大仔就似足佢，夢想成日變，記者、教師，甚至律師都諗過，不過大方向一樣，都係以文字工作為主。至於十四歲嘅細仔就非常好動，以當足球員為夢想，更做定功課研究亞洲人打入歐洲機會。其實Kenneth兩個仔對自己方向都漸見眉目，睇嚟佢唔使太擔心喇。