政壇：吳得掂開fb 借撞橋抽水

吳得掂留言讚揚學員態度積極認真，又有好高嘅安全意識，在進行模擬駕駛，「開船」駛過日前剛發生意外嘅汲水門橋時，學員會特別小心，「一定不會撞橋」喎！汲水門橋封橋事件搞到運輸及房屋局局長張炳良又備受批評，依家吳得掂算唔算傷口上撒鹽呢？

吳得掂「抽水」變踩人，立法會亦有五名議員想借撞橋意外「抽水」，佢哋先後入紙申請喺今日舉行嘅立法會大會上，就撞橋事故「打尖」提出緊急口頭質詢。不過，立法會主席曾鈺成尋日裁決，指有關質詢冇急切性，唔會因為無法在今日嘅大會提出，就產生重大嘅不良後果，暗批五名議員抽水抽得太急切。