觀塘：公園鐵柱甩漆 危害兒童
「幾條柱表面都甩晒漆，次次見商場職員經過都唔理，又冇工人嚟重新上油，蓉蓉爛爛真係好影響觀瞻！」觀塘居民陳先生不時會前往領展轄下的順利商場品茗，指商場辦事處對出公園、支撐閒座區上蓋的數支鐵柱表面有油漆剝落的情況，擔心兒童誤吞或會危及建康，「部分油漆用指甲刮兩刮，已經好易甩，公園又係小朋友嘅玩樂熱點，如果食咗啲油漆落肚，都唔知對健康有咩影響！」
觀塘順利商場公園閒座區有鐵柱油漆剝落，領展被批保養不善。
領展發言人表示，涉事設施已完成油漆翻新工程，強調辦事處職員會加強巡視，以確保設施保持良好狀況。
陳先生盼領展信守承諾，積極地對轄下商場設施做保養，履行責任，「依家啲鐵柱靚番晒嘞，希望辦事處講得出做得到，真係會定期巡查！」
