SUN焦點：大閘蟹放題 老饕識食唔惜食
近期不少食肆推出任食大閘蟹，食客付出一個價錢可在限時內狂食大閘蟹，吸引大批食客挑戰極限，有食客自稱兩小時內狂吃二十四隻大閘蟹。不過不少人為求回本，竟然只吃蟹膏，蟹鉗及蟹腳全部成為垃圾。環保團體認為食客做法浪費，加重都市固體廢物數量，極度大嘥。有醫學界更指，食客狂食蟹膏，最終只會賠上健康。文/圖：專案組
食客為求回本，狂食大閘蟹蟹膏，枱上剩下不少未吃過的蟹腳和蟹鉗。
不少食客在網上分享狂食大閘蟹的戰績。（互聯網圖片）
多間食肆都推出大閘蟹任食套餐。
食肆的垃圾桶有大量蟹腳。
食客一邊食蟹，一邊用手機自拍。
堅持食哂
現時正值大閘蟹當造季節，坊間不少食肆，均有推出任食大閘蟹餐。有食肆以大閘蟹重量計算價錢，大閘蟹愈重，收費愈貴，收費由二百多元至六百多元，客人在指定時間內，可以任點任食大閘蟹。不過不少食客卻將任食視為挑戰，事後將蟹蓋放在網上鬥一番，不過「戰績」原來只限於蟹膏，蟹蓋，要花時間起肉的蟹鉗及蟹腳，全部棄之不吃。
記者於晚上時分到元朗及土瓜灣等推出任食大閘蟹的食肆視察，部分食肆限定客人在七十五分鐘內，任食大閘蟹及其他蟹粉食物。由於當日正值周末，食肆座無虛席，遲來的客人需排隊等候，有食客在門口已開始商議策略：「一陣坐低即時叫大閘蟹，每次可以叫三隻，唔好執輸。」友人回應說：「邊食到三隻咁多？我平時喺屋企食，食一隻都要成半個鐘啦？」對方即時教他回本之法：「識食梗係食蟹膏，唔係食埋肉呀？依家任食，食得多至回到本。」
計好食幾多隻先回本
記者發現，懷此心態的食客大有人在，短短三個小時的視察，不少食客在大閘蟹上枱後，即剪走蟹鉗及蟹腳，剩下的蟹身及蟹蓋則擺得整整齊齊，抹淨雙手後拿出手機拍照。記者目睹，有纖瘦女士在指定七十五分鐘內，一口氣吃掉六隻每隻重四兩的大閘蟹，枱上剩下大堆未有進食的蟹腳及蟹鉗。有不願上鏡的食客表示，自己於限時內食下七、八隻大閘蟹，他表示，開始時仍會將蟹鉗、蟹腳等蟹肉食光，但至中段感覺時間緊迫，便開始「食膏唔食腳」，雖然自覺浪費，但為了食得更多更抵，亦只好放棄較花時間的蟹腳。
「食大閘蟹都係為咗食膏，蟹腳位要剪要搣，始終要花時間食，如果唔係限時，我都會食埋佢。」有人在社交網站分享任食心得，更有大量戰績，有人聲稱吃掉約十隻大閘蟹，最高紀錄是有人進食二十四隻大閘蟹。
任職保險業的凌先生跟女友亦有幫襯大閘蟹放題，凌不諱言，入座前兩人已經商議過策略，計算好每人食到五隻便可以「回本」。兩人不想浪費食物，一人負責搣蟹膏，一人負責剪蟹腳，堅持食光每隻蟹。凌承認，亦留意到其他食客只食蟹膏，剩低大堆完整的蟹腳、蟹鉗。他認為這種食法會造成大量浪費，希望其他人任食之餘亦能珍惜食物。
港廚餘每日逾3600噸
記者向有關食肆查詢，其中一間食肆負責人昌哥表示，該店經營大閘蟹銷售多年，今年是首次推出任食大閘蟹，吸引不少食客挑戰，但他表示浪費食物的情況不算嚴重，大部分人都會盡量食光整隻蟹。他指出，若有客人浪費食物，會着員工勸喻。
綠領行動總幹事何漢威表示，食客只食蟹膏的做法嚴重浪費食物，不環保之餘亦加重本港都市固體廢物數量，他說：「依家香港每日產生嘅廚餘係三千六百幾公噸。」他指政府有需要加快落實都市固體廢物徵費計劃，而食肆亦應向嚴重浪費的食客，實施按量額外收費，令食肆及食客不再浪費。
