轉型做幕後開設製作公司嘅何紫綸喺嚟緊嘅周日結婚，早前佢同未來老公到沖繩拍攝咗一輯陽光與海灘嘅浪漫婚照，疑影上癮，返港後再拍咗另一輯婚照。呢輯照片就選喺茶餐廳取景，着起結婚旗袍嘅佢坐喺茶餐廳內從後抱住老公，一面冧爆（圖），佢話：「未來老公屋企人以前係開茶餐廳，所以佢對蛋撻特別有情意結，輯相為佢而影，佢想影型格啲、懷舊啲感覺。」
