白鴿黨喺年中否決政改方案後嘅定位備受關注，三名白鴿黨黨員早前發表公開信，力撐現任黨主席「卿姐」劉慧卿喺明年領導層換屆選舉時留任主席，又炮轟「搞事四人幫」嘅壹傳媒集團前主席黎智英、天主教香港教區前主教陳日君、外號「民主阿婆」嘅前政務司司長陳方安生插手干預黨內決策，而外號「李漢奸」嘅白鴿黨創黨主席李柱銘，更多次違背同踐踏黨紀支持其他黨嘅人。白鴿黨似乎再起風雲，就睇吓卿姐點樣企硬，力拒外界介入干預。

三名白鴿黨員陳德明、楊錚同羅國強喺本月中向黨中央同全體會員發信，首先力撐卿姐不搞拉幫結派，敢於拒絕未經黨內討論所謂白鴿黨同公文袋合併等事宜，表明喺當前政治環境、民間導向等因素下，身為主席嘅卿姐不能退，不能謙讓。

信中又點名批評黃碧雲、胡志偉同涂謹申等白鴿黨立法會議員，指佢哋公開支持不獲黨支持並退出白鴿黨嘅人士參選，質疑中委係咪通過三人有特權，形容呢個係極惡劣嘅榜樣。

「勿插手黨決策路向」

除咗批評黨內自己人，陳德明等三人其後把矛頭直指「搞事四人幫」，開宗明義指「部分立法會議員、中常委、中委要考慮不宜和黎智英、陳日君、陳方安生搞得過熱」，並指「特別係唔希望佢哋插手民主黨內部決策和路向」，目的係維護白鴿黨整體利益同形象。

翻查資料顯示，陳德明等人喺過去多年，曾經多次向白鴿黨發表公開信批評「搞事四人幫」，叫佢哋唔好再指指點點，陳德明接受查詢時話，計劃喺年底黨員大會再作跟進。其實卿姐喺政圈打滾多時，一直予人立場堅定嘅感覺，就睇今次點樣跟進同回應黨員訴求，而「搞事四人幫」若知醜都應該自己摺埋，咪再攪亂檔！

第一手消息請下載on.cc東網iPhone/iPad/Android/Windows Phone Apps