政壇：「貞」心扮小鳳姐氹長者
開設全港首間陀飛輪手錶專門店嘅永順年鐘錶董事總經理Christinnie嚴偉貞，早前同老公、帝銀集團主席李文偉為一場敬老晚會粉墨登場。李文偉表演拿手嘅古箏，Christinnie就着上波波裙配以低沉嗓音獻唱經典名曲。一出場即獲得滿場掌聲，唔使講都知佢扮緊樂壇殿堂級歌手徐小鳳喇！
李文偉（左）同嚴偉貞孖住表演做善事。
Christinnie笑笑口話大約十年前，佢參加一場扮嘢慈善演出，因佢把聲夠晒低沉，故理所當然扮小鳳姐。講起小鳳姐，佢一襲波波裙深入民心，所以Christinnie訂造呢件波波裙，一着上身即唯妙唯肖，氹到一眾長者開心晒，自此佢就經常以小鳳姐扮相「登台」做善事，話咁快已經過咗近十年。不過Christinnie話扮得多，怕觀眾覺得悶，係時候諗諗換個新造型喎。
