名媛Alice趙曾學韞以「香港慈善女王」見稱，多年嚟為慈善勞心勞力嘅佢，坦言犧牲咗健康，除咗參與唔同嘅籌款活動外，仲喺一九九四年創立咗善學慈善基金，幫助有兔唇同弱視嘅小童。

趙曾學韞碌盡人情牌嚟舉辦月底嘅大熊貓公共藝術展。

中國首位「金錘」拍賣師金鈴小姐為熊貓展籌款穿針引線。

是次活動拍賣知名人士設計嘅熊貓嚟籌款，幫助有兔唇同弱視嘅小童。

Alice笑言最近碌盡人情牌嚟舉辦月底嘅大熊貓公共藝術展，銳意拍賣知名人士設計嘅熊貓嚟籌款，由中國首位「金錘」拍賣師金鈴小姐為自己穿針引線，佢話：「其實都係機緣巧合，透過金鈴小姐同一班有創意嘅年輕人促成呢件事，我就負責搵城中名人、藝人嚟創作同支持，有林子祥、李玟、陳慧琳等等，今次籌款金額，起碼要幾百萬元。」佢又指自己設計嘅大熊貓以「彩虹」為題，寄語有弱視同兔唇嘅小童可受惠，重見光明同會心微笑。

佢亦話長期做「空中飛人」，但周末會盡量留時間陪家人，又哽咽透露夫婿趙善簪、兒子同女兒均對自己嘅慈善事務有微言，佢話：「大仔同我講你做咁多，人哋以為你想出風頭，我好嬲，同埋個女又話我離譜，百分之十嘅時間都畀唔到屋企。」

第一手消息請下載on.cc東網iPhone/iPad/Android/Windows Phone Apps