立法會進出口界議員「象哥」黃定光尋日出席一個關於發展經濟民生議題嘅圓桌會議時，閃勻全場，事關佢戴咗個會閃燈嘅藍芽電話耳機，一閃一閃好搶眼，點解咁潮？原來個耳機係囝囝喺淘寶買嚟送畀佢，咁有愛，梗係要用啦。
象哥耳仔不時有光閃閃吓。
不過，象哥略嫌個耳機太大個，戴上去感覺有啲古怪，不過個耳機勝在功能唔錯，可以作支架用嘅手機指環，一套兩件都只係百多元。佢話自己成日都要開會同揸車，所以用藍芽耳機講電話會比較方便喎，但佢就嫌呢款耳機嘅閃燈太光喇。
