政壇：指印畫濟公 曉暉讚好玩
有團體尋日喺維園舉辦「萬指千人印濟公」手指印畫活動，並創下健力士世界紀錄，成為全球最大嘅手指印畫。
許曉暉（右）細個用手指印過青蛙同蓮葉嘅印畫；蔣麗芸就自稱無繪畫天分。
千人指印的濟公圖像。
負責主禮嘅民政事務局副局長許曉暉話細個都有玩過，當時用手指印圖畫、用飲管吹墨水等勞作幾乎係必學，好玩又可以培養學生對藝術嘅興趣，印象好深刻。立法會議員蔣麗芸亦有出席，兩人嘅衫仲撞色添，佢笑言自己冇乜繪畫天分，但就特別鍾意研究有相機年代之前嘅畫作，可以透過畫了解當時嘅故事。
今次活動係東井圓佛會為推廣○六年成為國家首批非物質文化遺產嘅「濟公傳說」，宣傳濟公「無我利他、濟世為懷」嘅精神，集合二十三個團體包括中、小學約一千三百人一齊用拇指印出全球最大手指畫。
