「我哋唔係想賺大錢,只係想做啲小生意。業主到頭來一句『無錢唔好學人做生意』就可以逼死我哋。」青年創業要靠「良心業主」支持方可成事?Roy直言,「最嬲係佢搵人送封律師信嚟,即係傾都冇得傾!」

業主以律師信通知租約月尾到期,Roy指相當無奈。

旺角:餐廳中員工打成一片,融洽如一家人的情景,十月過後恐成絕響。

Roy表示業主由七萬元加租至十八萬元,加幅達一點六倍。

他指,現時餐廳有五名員工,大部分已婚,最擔心結業令他們「手停口停」,「我哋提過其他建議,例如暫時改短租,等我哋有時間搵地方搬,再唔係,畀我哋頂個牌畀下個租客都得啩?」

二十八歲的Roy自言,出身單親家庭,中五畢業後便投身社會,由茶餐廳的外賣仔做起。餐廳一直以來,每月盈餘僅數萬元。很多客人覺得餐廳員工總掛着笑臉,「因為我對佢哋好似一家人咁,依家大家都好徬徨。」

第一手消息請下載on.cc東網iPhone/iPad/Android/Windows Phone Apps