政壇：赴英發噏「鋒」枉唱衰中港

國家主席習近平正在訪問英國，預料中英雙方會簽署多項經貿協議，同樣身在英國嘅學民思潮召集人黄之鋒，接受當地傳媒訪問時搶閘發噏風「唱衰中港」，促請英國唔應該相信同中國簽訂嘅任何協議，指控中國違背《中英聯合聲明》冇畀香港普選，認為中國政府喺貿易同人權方面都唔會守承諾。

難損中英經貿合作

黄之鋒嘅發噏風，講到天花亂墜，不過，如果以為英方會聽佢指指點點，就未免太天真嘞，事關今次中英雙方於多個商務領域都有合作，相信為未來進一步合作奠基。

再說英國首相卡梅倫曾經講過，面對有毒害嘅意識形態必須作出抉擇，主動打擊，撞啱今次黃之鋒就喺中英雙方簽署多項經貿協議前夕「唱衰中港」，英方會否為某人嘅片言隻語就放棄涉及巨大金額嘅經貿協議，答案不言而喻。