城中鏡：當陳弘毅遇上陳弘毅

喺政商界中撞名時有發生，今次嘅主角係「陳弘毅」。政圈熟悉嘅陳弘毅係基本法委員會委員兼港大法律學院教授，不時現身講解政改同《基本法》，但原來會計界都有同名同姓嘅人，呢個就係澳洲會計師公會大中華區分會會長Kenneth陳弘毅。Kenneth話爸爸改呢個名係因為《論語》中「士不可以不弘毅，任重而道遠」一句，又笑言過去都好少人認錯自己係陳弘毅教授，唯一一次係九七年，Kenneth喺上海出席活動時，曾經有內地人認錯喎。