城中鏡：馬詩慧偕兩女 潮撐本地創作
要追上潮流，當然要經常留意有乜嘢新服裝同配搭，好似早前有一間名店開分店，因為呢間名店贊助本地嘅藝術活動比賽，仲邀請咗得獎者為新店設計開幕前嘅圍板，兼推出由得獎者設計嘅限量版環保袋，吸引唔少城中名人同星級名模去支持佢哋嘅開幕禮，兼且撐本地設計同創作！
有名店分店開幕，馬詩慧（中）同女兒王曼喜（左）及王麗嘉去撐場。
正如嚟捧場嘅名模馬詩慧同兩個寶貝女王曼喜及王麗嘉，佢哋無論喺場外定場內，都擺出型格嘅Pose，充分展現佢哋對潮流嘅觸覺，同埋點樣去展現時裝嘅美態。除咗名模之外，同場仲見到何明懿，而陳鴻業同鄭詩韻兩公婆亦拍拖到場。
