模特兒Angie伍靜麗平時因工作而經常接觸唔同嘅人，佢唔想浪費呢啲機會，而開始去學影相，並以模特兒嘅角度出發，佢話：「同咁多靚仔靚女影相、拍片，同唔同人傾偈，睇到另一面，由模特兒開始，之後影唔同人，分享唔同人嘅世界。」
伍靜麗希望從拍攝分享唔同人嘅世界。
Angie成為業餘攝影師，佢認為模特兒應該要繼續增值，有唔同嘅專長，所以佢亦有研發香水。由於佢喺屋企會放香薰油，因而激發佢自製香水，而且市面上好少佢鍾意嘅爽身粉味，所以佢決定自製。
