國家主席習近平今晚抵達英國，展開一連多日嘅訪英之行，事有湊巧，學民思潮召集人黃之鋒喺社交網站突然宣布，獲邀請並安排到英國，由今日起，一連三日喺多間英國大學進行巡迴演講，包括喺牛津大學、倫敦政治經濟學院（LSE）、倫敦國王學院（KCL）、倫敦大學學院（UCL）、倫敦大學亞非學院（SOAS）同瑪麗王后學院，分享其對香港民主進程、自決運動同議會世代更替等睇法。

黃之鋒

今次國家領導人到訪英國，屬於高規格接待，英國駐華外交官員早前指中英雙方預計有一百五十項聲明公布，涵蓋政策及經濟等範疇，由於中英雙方對此都好重視，預料保安工作會滴水不漏，估計黃之鋒無可能、亦無能力狙擊到國家領導人，想深一層，分分鐘有人被利用咗都唔知。

翻查資料顯示，黃之鋒上月訪問美國，唔單止未能狙擊國家領導人，期間更被美國有關方面冷待，如果今次再次歷史重演，黃之鋒就是短期內第二次「食檸檬」喇！

第一手消息請下載on.cc東網iPhone/iPad/Android/Windows Phone Apps