政壇：莫乃光同學生展「機械人大戰」
立法會資訊科技界議員Charles莫乃光尋日朝早出席一個電腦興趣班，同一班初中生學寫編碼及遊戲，要寫到識整郁個Mario。唔知係學生叻啲，定係Charles叻啲呢？Charles就大爆自己恃住識就唔專心，打打吓編碼，忍唔住玩facebook。啲中學生就專心好多，打編碼快過佢，仲會努力試吓點樣令個Mario跳得更快更遠。
莫乃光（左四）同學生們研究點玩機械人。
到咗下午，成班大人細佬一齊玩機械人，Charles明顯生手好多，不停撞到同學仔嘅機械人。有位同學仔忍唔住想教吓佢，說時遲、那時快，Charles個機械人唔小心撞到「小老師」，仲死撐話「其實我專登撞你■，你唔信？我就撞你！」點知到咗真係想撞時，又撞唔到個同學仔，反而撞到自己添！
玩咗成日，Charles覺得依家啲學生好叻，可惜教育局啲課程又舊又銜接唔到，係時候諗吓點樣改善課程，培養學生興趣喎。
