政壇：莊學山做「家庭煮夫」

早前中環有個活動，邀請到香港潮州商會婦女委員會一班靚太即場烹調潮州美食。潮屬社團總會永遠榮譽會長莊學山太太、印尼華僑吳時亦有一展廚藝。

莊學山（左）落力推介太太嘅美食。

莊學山仲拎住太太作品，與台下觀眾分享，結果大獲好評，而且極之搶手，莊太入得廚房，唔代表莊學山平時就淨係喺屋企等食，莊學山自爆，佢喺屋企，會由一個潮州大男人化身為小男人，做「家庭煮夫」做足四十年，無論廣府菜、日本菜或潮州菜，都難唔到佢喎！仲睇唔出莊太平時唔落廚，但一出手都有啲水準。