城中鏡：經濟不景生意差 何志恩諗計自救
本地時裝設計師何志恩前晚出席活動時透露，近日經濟不景，正為生意諗噱頭，依家要見步行步，佢話：「我自己都買少咗好多衫，依家啲人有錢都寧願去旅行同食嘢，時代唔同，八十年代嘅人真係會買好多靚衫，不過有危先有機。」
近日經濟不景，何志恩話自己都買少咗好多衫。
問到有冇同好朋友「阿徐」徐濠縈一起跑步？佢笑說：「各自各精彩，我都有跑，但冇佢跑得咁癲，我打網球多啲。提起阿徐話老公Eason（陳奕迅）都加入一齊跑喎，何志恩竟然笑住話：「哈哈，佢留番啲氣去唱歌同吹水仲好啦！」追問佢係咪唔信Eason會跑？佢就話：「大家都太熟悉陳生，不過佢有心態想去跑，健康啲都係好嘅！」
