話說立法會尋日續會討論係咪引用《立法會(權力及特權)條例》調查鉛水事件,但就見到其中一名出席嘅相關官員,即食物及衞生局副局長Sophia陳肇始嘅右手受傷要包紮,似乎發生咗意外,佢仲爆冇購買醫療保險,唔知佢係咪對現時嘅醫療保險無信心呢?

陳肇始做健身失平衡跌傷右手,發現原來佢冇買醫保。

Sophia話一直有做開健身,但一兩周前,做舉上舉下動作時,唔小心失平衡跌倒,右手虎口位嘅舟骨骨裂,所以要用護腕固定右手,再作六個星期治療。佢話以往都有教練看顧,但當日就冇,就因此受傷嘞!

咁Sophia有冇買保險?佢透露冇買醫保,但冇講到要花費多少醫藥費。佢係咪想等政府推出嘅醫保計劃,先會投以信心一票呢?話時話,Sophia隻手傷成咁,點解唔放假休養吓,反而要為鉛水咁頻撲出席立法會會議?

第一手消息請下載on.cc東網iPhone/iPad/Android/Windows Phone Apps