水署僵化 懶理爆私喉
水務署懶理私人水管爆裂，市民或被迫找數！申訴專員公署早前炮轟水務署未有妥善處理私人水管滲漏，淪為「邊呼籲節儉，邊帶頭浪費」的反面教材。粉嶺小坑新村再出現同樣情況，惟水務署堅持維修責任在於業主，坐視食水浪費逾月。立法會議員要求當局從速檢討機制，並建議以先維修後收費的形式處理，減少浪費。
居民不滿水務署跟進乏力以致惜水口號淪為空談。
涉事喉管噴出大量食水，有關情況至少維持逾月。
水柱「射程」可達兩米，致毗鄰行人道濕滑一片。
粉嶺小坑新村近日有私人食水喉爆裂多時而未有維修，有立法會議員指類似情況在鄉村時有發生。
「條喉已經爆咗成個幾月，十足十公園入面嗰啲灑水器咁，都唔知嘥咗幾多食水！」粉嶺小坑新村居民葉先生指，約一個半月前發現村內有食水管爆裂，導致大量食水日以繼夜流入溝渠。葉於數個星期前已多次致電水務署反映，惟遲遲未見任何維修，「（水務署）啱啱先畀申訴專員公署鬧佢哋由得啲私人水管漏水，原來之後都係冇任何反思，繼續死跟以前嗰套做嘢，人哋唔整佢就無符！」
葉續指水務署多日內未有截水或作緊急維修，卻經常高談節約用水的口號，明顯「講一套做一套」，導致珍貴的水資源不斷被浪費，又質疑現行政策並無誘因促使業主盡快維修，「日日咁噴法，如果個業主要畀錢嘅話，佢一定即刻整。」記者亦曾作實地視察，發現涉事喉管已見明顯銹蝕，橫噴水柱「射程」近兩米遠，毗鄰行人路亦濕滑一片。
水務署發言人證實，於八月下旬接獲有關食水管破裂的通知，已隨即派員實地視察，發現一條鋪設於私人土地、直徑二十五毫米的私人喉管破裂，出現輕微滲漏，已向有關用戶發出緊急維修通知書，要求盡快作出維修，而根據其僱用的持牌水喉匠通知，工程將於日內進行。發言人解釋，為免暫停小坑新村食水供應而未有截水。
促先維修後收費
發言人強調，根據《水務設施條例》，維修受損的私人水管乃用戶或代理人責任，而工程則需交由持牌水喉匠進行。
「如果嗰段水管係未去到水錶，咁就冇辦法計個流量，戶主唔需要畀錢。水務署近年都係啱啱好收支平衡，咁會對佢哋財政構成壓力，最後都係要市民出錢！」立法會環境事務委員會委員郭偉強表示，類似問題在本港鄉村相當普遍，積少成多下除了浪費大量食水，更有機會推高水費。郭偉強建議檢視現行條例，盡快堵塞漏洞，「可以雙管齊下，如果戶主一段時間冇整，水務署就自己整咗先，之後再追討番維修費用。」
記者︰呂耀焜、楊育輝
熱線3600 9988
電郵 socserv@on.cc
傳真3600 9900
WhatsApp/SMS 6500 6500
來函請寄：香港大埔工業邨大昌街２３號東方報業中心東方報業集團投訴組收
個人資料絕對保密
匿名投訴恕不處理
逢星期一至五見刊
