城中鏡：鄭紹康爆料 巨星Ball再臨

今年年頭首度喺香港舉行嘅國際慈善amfAR ball，吸引唔少名人明星盛裝出席，包括有金像影后桂莉芙柏德露、「碧咸嫂」Victoria、國際超模姬摩絲、娜奧美金寶同「千億新抱」徐子淇等，絕對係星光熠熠！著名公關鄭紹康尋日就透露，呢個享譽國際嘅籌款晚會，繼今年在港舉行後，明年三月十九日亦落實再喺香港舉辦，而國際超模姬摩絲同娜奧美金寶亦繼續撐場，尋日佢仲喺社交網站，上載跟負責舉辦呢次晚會嘅成員同埋名媛薛芷倫合照，相信屆時會有好多國際巨星親臨香江支持，真係要拭目以待！