政壇：草案趕尾班車陳家強孭重飛

話說立法會財委會聽日第四度審議創科局撥款，多名激進泛民議員早已準備咗逾二百項動議進行拉布，睇怕負責呢瓣嘅商務及經濟發展局局長蘇錦樑都有排難受。至於本屆立法會進入最後一個立法年度，政府尋日向立法會提交一五/一六立法年度嘅立法議程，預告會喺本屆立法會解散重選前，「趕尾班車」提交十二條草案，較一四/一五年度嘅十六條大減四分一。但由於今年係本屆立法會最後一年會期，啲草案喺明年七月前通過唔到，就會自動失效，令泛民藉拉布玩殘政府嘅誘因大增。