城中鏡：周瑋瑩戀上韓流

尋日喺一個韓港服裝時尚嘅匯演中，見到穿上韓服嘅宋芝齡，在場嘅名媛包括Jacqueline周瑋瑩同「恒生新抱」何倍倩都大讚好有古典氣息。Jacqueline仲話自己好喜歡韓國文化，兩個囡囡非常喜歡聽KPOP音樂，自己較為喜歡聽純音樂，但唔鍾意煲韓劇。問到會唔會畀囡囡學習韓文同跳舞？佢話：「佢哋好忙，因為要返學，但有上興趣班，例如畫畫同煮嘢！」而身為香港保護兒童會籌委會主席嘅Jacqueline，透露為團體舉辦慈善酒會，但唔會帶同兩個囡囡出席，因為酒會多數喺夜晚舉辦。