政壇：谷祖明成功標準 豪請伴侶遊巴黎
究竟男人點叫成功？富邦香港高級副總裁兼消費金融部主管Stanley谷祖明話，「如果男朋友請你去巴黎旅行，講得出下星期即去，唔係儲一年錢下年先去，已算係成功嘅真男人」。
谷祖明
絕對唔係話一出嚟做嘢就咁，Stanley覺得人生去到四十歲先到黃金時期，年輕時人工有限，又唔可以隨便請假，咪去住離島玩幾日先囉。佢話最緊要係學識理財同儲錢，到事業有成，可以自信豪氣兼唔肉痛咁同愛人伴侶講句「下星期同你去巴黎旅行」，就已經證明到自己有番咁上下財力同能力，可以稱得上係一個成功男人。
