前港姐朱潔儀近月來慘受電話滋擾,原來係前外籍傭工喺財務公司借錢唔還,追數電話滋擾無日無之,令到佢非常勞氣。佢話聘請該外籍傭工四個月以來,已發覺不對勁,又話:「發覺佢手腳唔乾淨,屋企成日唔見嘢,蜜糖、羽絨被、毛氈都唔見咗,都唔同佢計較,但係有次個auntie畀咗封利是有幾千蚊,放入銀包瞬間唔見咗,淨係唔見幾張一千,其他五百喺度,忍無可忍即時炒咗佢,點知炒完佢無幾耐就收到財務公司追數電話。」

因前外傭喺財務公司借錢唔還,追數電話滋擾無日無之,令朱潔儀勁勞氣。

由於家居失竊冇物證,所以朱潔儀冇報警,佢苦笑話:「佢同我講曾經喺沙特阿拉伯服侍過公主,以為應該唔錯,規矩達一定水準,點知佢淨係對自己飲食水準有要求,一定要食三文魚,煨雞髀都要煨足兩個鐘,而且只係整畀自己食,我無份食。」

第一手消息請下載on.cc東網iPhone/iPad/Android/Windows Phone Apps