政壇：何君堯被鬧白癡 律師話唔算誹謗
話說喺嶺大「粗口歌」風波中，講過應該解散嶺大學生會嘅律師會前會長何君堯，日前獲政府委任做嶺大校董，引起爭議，學生會更揚言會發動罷課抗議。何君堯尋日同嶺大學生會會長劉振琳一齊出席電台節目時，劉力數何無資格當嶺大校董，甚至直斥對方為「白癡」。何就叫劉小心用詞，否則可能涉及誹謗。不過有法律界人士指出，除非有聽眾真係因為呢句話而以為何君堯是「白癡」，否則應該不會構成誹謗。
律師會前會長何君堯
講開委任校董，學聯與多間大學學生會前日宣布會發動公投，要求特首不再兼任大學校監。特首梁振英尋日回應指，當局會以開明、開放嘅態度聽同學意見，但同時強調有關法例一日存在，政府就要依法辦事，佢唔能夠迴避有關法定責任放棄委任大學校董。
