SUN焦點：服務業混合零售 靠優質留客人
面對零售寒冬，樓上舖如何自救？記者巡視發現，仍然「可以生存」的店舖，以服務業混合零售業為主，如修甲店及髮型屋等，僅餘少量純零售業，例如書店、寵物用品店及化妝品店等。有店員表示，「雖然客源少咗，但我哋以做熟客生意為主，所以零售市道轉淡，對我哋並無太大影響。」
西裝店職員何先生表示靠質素留住客人。
西裝店職員何先生表示，即使經濟不景氣，不少上班族也需要幾套得體的西裝，亦有人會結婚，「我哋靠質素保證，無理由人哋要便廉啲，你就畀啲cheap嘢人。」他續指，店舖開拓客源，主要靠熟客介紹，「如從事保險業嘅客人，會介紹佢啲客畀我哋。」
另一間婚紗服飾的店主表示，市道轉淡，惟有靠推出一些時限性優惠搶客，「可能要有啲節日優惠，或者介紹朋友嚟會有折。」她表示，如果客人指會於某天放工後來試身，無論多夜都會等，「無辦法啦，惟有靠服務質素，取悅客人。」
