政壇：梁紀昌樂做「無糧講師」
鮮魚行學校前校長梁紀昌今年退休，但退休後仍間中獲邀講學。但梁紀昌話已經唔係第一次義務講書，皆因佢咁多年嚟一直都係「無糧講師」，事關將講書嘅酬勞全數捐畀鮮魚行學校。
梁紀昌
講到最重要嘅工作，佢就話係依家每日湊十八個月大嘅外孫仔，佢話，當年女兒出生時，因為自己同太太都忙於工作，所以要將女兒交畀長者照顧，因此錯過咗好多女兒成長嘅寶貴片段。
事隔多年，依家佢每日都弄孫為樂，見證孫仔成長每一刻，開心感覺仲強烈過當年做爸爸，又打趣話希望孫仔唔好大得咁快，可以抱多幾年就正喎！
