台灣駐港機構尋日舉辦雙十酒會，唔少同台灣友好嘅人士都有出席，康泰旅行社董事總經理黃進達（Jason）笑言，旅遊業界人士同邊個國家或地區都有淵源，而台灣係好多男女老幼港人都鍾意去嘅地方，其中一個重要因素，係當地無論飲食同住宿的價錢都好抵，分分鐘台幣仲好用過人民幣添，相信未來去台灣旅遊嘅港人有增無減，佢哋都計劃發掘多啲新景點迎合需求。

黃進達話旅遊業界同邊個地區都有淵源。

郭位話城大係全港首間招收台灣學生嘅大學。

Jason推介，台南小食好吸引，好似魚丸、魚湯、滷肉飯等，甚至形容當地係小食嘅鼻祖。除咗台南，近年台東都開始多人去，加上唔使靠捷運，使費自然少好多。工業界立法會議員林大輝就話，佢喺八、九十年代同台灣有生意來往，當時台灣紡織業發展好蓬勃，人造纖維、棉花等原材料都要由當地入口。

同場嘅城大校長郭位都話，該校係全港首間招收台灣學生嘅大學，雖然現時台灣學生唔係最多，但有信心收生標準係最高。

第一手消息請下載on.cc東網iPhone/iPad/Android/Windows Phone Apps