政壇：兜巴星：公院「冇腦」救人 梁栢賢冇得卸

醫院管理局資訊科技部門上月底竟然犯「低級錯誤」，提早將電腦系統瀏覽器升級，搞到自行研發嘅多個臨床服務電腦軟件無法相容，逾萬部電腦「跪低」，搞到公院「冇腦」，醫護人員唔單止無法讀取病人病歷記錄，仲處方唔到藥物，影響臨床服務。醫管局高層早前開會，初步認為係人為疏忽同相關工作流程安排出問題，而資訊科技部需喺兩周內交調查報告。好彩呢件事喺假日發生，若果喺平時，輕則延誤診治，重則死得人多。呢啲意外一宗都嫌多，好明顯醫管局行政總裁梁栢賢無得卸責，唔該佢帶腦返工，咪再靠害市民！