東網電視
更多新聞短片【本報訊】 紅爆網絡的「四眼妙語Sir」阿恆，昨日被記者發現在馬鞍山海濱長廊與同袍行「孖咇」巡邏，因他無戴眼鏡，記者一度認不出他是「四眼Sir」，後憑其警員編號上前查問，阿恆坦承自己是片中警察。對於被網民激讚冷靜、EQ高，80後的阿恆淡定稱：「在警察學院有課程，訓練咗我嘅心理韌性。」他指：「都好明白市民心情，冇人鍾意畀人罰錢，所以呢啲情況過往都遇過。」他強調，警民之間最緊要互相尊重。
警員阿恆（左）與拍檔行孖咇巡邏。
現年二十八歲的阿恆，加入警隊六年，之前駐守新界南總區機動部隊（P.T.U.），兩年半前調往馬鞍山分區巡邏小隊，他知道其抄牌事件被人放上網，令他一夜爆紅，「我都知道今次嘅表現，有啲市民、長官同同事欣賞我，希望可以將正面嘅警察形象帶出嚟。」他希望事件能給市民帶來守法的訊息，而且讓市民更多了解警察的工作，「畀市民知道警察做嘢有既定程序，會克制嘅，都係有警例去遵守。」他指耐心去解釋很多時會成功，令市民知道執行警務工作的背後原因。
受訓鍛煉心理韌性
阿恆稱：「市民有責任去泊好架車，保持道路暢通。」警務人員在前線採取執法行動，包括抄牌等，往往面對一定困難，其他同袍同樣會不時面對類似情況，阿恆坦言：「我喺警察學院接受咗警政心理學課程，教我維持正向思維，而且我嘅日常訓練都有提供正向嘅心理訓練，訓練我嘅心理韌性，令我更加容易面對逆境。」
阿恆說：「細細個覺得做差人好威嚴，慢慢年紀大咗，出咗社會做嘢，發現警察由以往軍事化形式，轉換咗服務市民的形式，向市民提供一啲服務，依家除咗撲滅罪行，仲會向市民提供救助服務。」
第一手消息請下載on.cc東網
