政壇：Greg蘇健波諗計保創科局

陳健波話自從上星期五獲建制派明確支持後，佢就陸續拜會泛民拉票，仲同人民力量議員「大舊」陳偉業同社民連「長毛」梁國雄傾過創科局，又透過泛民會議召集人何秀蘭約緊佢哋開會，盼喺各方同意下解決呢件事。人力雖提出大量動議，但佢話百幾條暫時都可以處理，望本月內可完成審議。

主理科技政策嘅商務及經濟發展局局長Greg蘇錦樑呢兩日都密密見泛民，尋日見咗白鴿黨主席劉慧卿，今日就見大舊。卿姐就話仲未解決疑慮，今日黨團將開會決定立場。

大舊就不滿政府仲未回應點將研究同生產結合，若冇令人滿意嘅答覆就「拉布」阻止通過，但佢估計頂多拉到四次會喎。