政壇：立會停車場 大閘快完工
立法會復會在即，我哋發現喺添馬艦政府總部同立法會大樓之間嘅停車場出入通道，兩邊大型閘門已安裝好，有多名工人在場做最後檢視，其後亦有車輛經此大閘進出立法會。立法會秘書處回覆話，立法會停車場通道出入口嘅金屬閘門大致完工，預料下周重開附近的行人路。
政府總部同立法會大樓之間嘅停車場出入通道，安裝兩邊大型閘門嘅工程大致完工。
相關工程由立法會委託建築署進行，係立法會行政管理委員會早前通過嘅多項加強保安措施之一。大閘裝妥後一般會保持開啟，喺立法會大樓受到衝擊，行管會宣布發出黃色或紅色警示時才關閉。
