政壇：袁莎妮拍實靚仔經濟師

香港總商會匯聚唔少重量級工商界中人，佢哋嘅意見係政府施政中不可忽視嘅聲音。而要時刻掌握中港或全球政經形勢，適時畀政府中肯意見，又點少得專業嘅幕僚輔助，適逢總商會總裁Shirley袁莎妮尋日同傳媒介紹啱啱返工一個月嘅靚仔高級經濟師Rocky董一岳，Rocky喺利豐榮譽主席馮國經成立嘅經綸國際經濟研究院做過，亦喺建銀國際等金融機構打過工，對國策素有研究之餘亦有國際視野，啱晒總商會嘅需求，難怪Shirley好開心，仲盛讚Rocky年輕有為，個樣又睇得添！