車輛違泊 塞爆聯和墟

粉嶺聯和墟居民陳先生指每日中午時分，聯和墟內多條街道，包括和泰街、聯盛街及和隆街等均泊滿車輛，阻礙交通及威脅交通安全，「一到食飯時間成個聯和墟都係車，連啲雙黃線、轉彎位都泊滿晒，搞到啲大車入到嚟轉唔到彎，小巴到站要喺路中心落客，唔止塞住後面啲車，仲好容易有交通意外！」陳指聯和墟違泊情況嚴重，要求警方持續執法以改善問題。

陳又說，聯和墟違泊問題存在多時，惟近年舊街市的臨時停車場改作私人住宅用途，加上附近鄉村人口增加，不少居民又經常駕車到來用膳，令違泊情況惡化，「泊位少咗，啲車多咗，違泊咪嚴重咗囉，再唔理真係遲早出意外。」

警方發言人稱，粉嶺聯和墟一帶車路擠擁，亦只有有限泊車位置，今年首八個月接獲約一百八十宗涉及聯和墟違泊的投訴，是二○一四年接獲投訴的總和，期間發出約三千五百宗定額罰款通知書予違泊司機。發言人又說，警方會繼續按情況採取執法行動，同時會與其他部門商討長遠改善措施及對策。

運輸署發言人則表示，目前政府政策是優先考慮及配合商用車輛泊位需求，在整體發展容許情況下提供適量私家車泊位，但不希望因而誘使原擬乘搭公共交通公具的乘客轉用私家車。目前聯和墟內約有一百五十個泊車位供私家車、貨車及電單車使用。現時一幅前聯和墟街市用地改作私人住宅用途，該署亦已要求發展商在項目落成後需提供一百個公眾泊位供市民使用。發言人呼籲，市民在購買汽車時，應先尋找合法泊車位。

倡倣效外國收稅

「依家政府喺好多方面都唔鼓勵市民買車，但都仍然有好多車，政府應該檢討下違泊罰則係咪可以加強，或者研究下好似外國咁針對前往市中心繁忙地段嘅車輛收稅。」立法會交通事務委員會委員謝偉俊表示，政府多方面的政策都不鼓勵市民買車，惟因車輛過多加上泊位不足，以致違泊問題嚴重，認為有需要多方面檢討，包括研究增加公眾泊車位、加強執法及新增稅項等措施解決違例泊車問題。