城中鏡：鍾國斌唔炒魷 食老本捱住先
近期零售業處於寒冬，唔少商界中人，都費煞思量點樣應對，本身喺內地設廠嘅立法會紡織及製衣界議員鍾國斌強調，即使依家訂單數目下降，佢哋都暫時唔會考慮裁員，認為可以食住老本先，換言之觀察約兩年時間，先嘗試用其他方法開源，睇吓有冇改善喎。
鍾國斌話寧願諗啲方法開拓新嘅收入來源，並同時節流，都唔諗住裁員。
鍾國斌話零售業嘅情況同廠嘅經營其實環環相扣，如果零售市道唔好，會直接影響佢哋廠接訂單數量。佢指過去兩年，零售業增長得較快，累積嘅儲備依家就用得着，因此雖則依家市道較差，估計「食老本」都可以頂到一段時間。佢又話如果依家裁走啲工人，遲啲情況有好轉時，就會變得好難請人，因此寧願諗啲方法開拓新嘅收入來源，並同時節流，例如喺緬甸設廠，佢相信於當地生產成本比較低，可以接到更多過往少做嘅訂單。
