模特兒何紫綸將於十一月頭結婚，而佢亦正式退居幕後，投資超過五百萬元嘅製作公司，並擔任營運總監，可謂雙喜臨門，佢話：「以製作節目為主，會喺內地播出，頭炮會有一隊十二人女子組合，叫星座少女，喺中港作招募，要夠高，要大專畢業、要識跳舞唱歌，talk得，之後會進行一連串淘汰賽，拍攝成真人騷節目。」佢又透露已有唔少內地商會老闆支持，亦為組合接洽到唔少工作，所以不愁無工開。問到係咪經常要返內地？佢笑言話係。再追問咁咪冇時間造人？佢就話：「就係要珍惜機會先造到，一次爆發先work，要relax，不過我就仔女都無所謂，老公就想要仔。」

何紫綸將於十一月結婚，並投資超過五百萬元嘅製作公司，擔任營運總監。

第一手消息請下載on.cc東網iPhone/iPad/Android/Windows Phone Apps