鼻敏感困擾唔少都市人，香港中華廠商聯合會前會長施榮懷就搵到一個新方法對付呢個問題。日前，我哋見到佢頸上戴住一部細細嘅機器，原來係一部可穿戴式嘅空氣淨化器，透過釋放負離子，保持半徑一米範圍嘅空氣潔淨。佢話暫時戴咗個多星期，覺得個鼻真係少咗痕癢，而且每次充電三小時，就可以用成一百五十個鐘，都算幾方便，外形仲幾時尚添！佢透露爸爸福建幫元老施子清都有鼻敏感，如果佢試完覺得好用，就會推介畀佢同其他親友。

施榮懷頸上戴住部細細嘅空氣淨化器，透過釋放負離子，保持半徑一米範圍嘅空氣潔淨。

空氣淨化器。

第一手消息請下載on.cc東網iPhone/iPad/Android/Windows Phone Apps