根據選舉條例,選舉候選人經互聯網上嘅社交或通訊網站發布選舉廣告,係要申報選舉開支嘅。近日就有唔少有意參選區議會嘅建制派議員喺社交網站facebook(fb)上宣布停用fb,直至選舉結束為止,實行斬腳趾避沙蟲。

(互聯網圖片)

近日唔少建制派議員停用fb,皆因怕咗選舉管理委員會上屆開始針對網上媒體嘅「辣招」,其中決定暫別fb嘅立法會議員,就有本身係葵青區議員嘅麥美娟同東區區議員鍾樹根。

不過善於利用社交平台嘅泛民就冇有怕,好似前日白鴿黨南區區議員羅健熙就喺fb度話,唔會因為選舉而唔用fb,會繼續分享生活點滴、寫吓無謂嘢喎。

其實選管會之前嚴格規管fb,都面對唔少批評,所以今次選舉都放寬咗唔少,好似過去要申報嘅fb「讚好」同「分享」,今屆就唔使申報喇,而候選人出嘅貼文,如果同選舉無關,亦唔會計經費。建制派都仲咁驚青,未免太可笑。

第一手消息請下載on.cc東網iPhone/iPad/Android/Windows Phone Apps