政壇：港府邀「外國勢力」訪立會
外號「李漢奸」嘅白鴿黨創黨主席李柱銘同學民思潮召集人黃之鋒，早前趁佔中一周年同國家主席習近平訪美，出訪美國「唱衰中港」，並公然邀請外國勢力干預中港事務。我哋收到消息，本月中會有一批美國國會人員訪港，仲會逗留成個星期，去埋立法會與議員閉門會面，唔通佢哋係響應李漢奸同黃之鋒呼籲嚟搞事？非也，原來佢哋係受特區政府邀請同贊助嘅。
呢個美國國會代表團有七位成員，六人來自美國民主黨、一人來自共和黨，但大部分都並非國會議員，而係佢哋嘅辦公室幕僚長、顧問或助理等。佢哋將於本月十一日到港，期間到立法會大樓參觀。今次行程係由香港駐華盛頓經濟貿易辦事處籌辦嘅，係該處旗下嘅「香港教育及文化交流計劃」活動之一，旨在加深美國國會人員對香港嘅了解，鞏固香港同美國之間嘅關係等，即係聽吓班港府官員「唱好香港」，唔係「唱衰香港」。
