城中鏡：吳繼遠買古玩 交過唔少學費
收藏古董係唔少人嘅嗜好，做過香港博物美術館（香港藝術館前身）副館長嘅吳繼遠，雖然家族經營古董買賣，但咪以為佢天生就特別識得鑑賞古物。佢自爆，年輕時都曾經撞過唔少次板，無論陶瓷、銅器或書畫，都試過買到假貨。佢坦言呢個係必經階段，因為就算幾資深嘅收藏家，都冇可能熟悉晒所有唔同類型嘅藝術品同古玩，惟有當係交學費、長知識。
吳繼遠買古董中伏當交學費。
讚港藝術家有潛質
除咗古董，吳繼遠對藝術品收藏亦好有研究，佢透露明天將聯同上海書畫院喺香港藝術中心舉辦「情繫雙城」名家書畫展，展出多個新舊畫家同書法家嘅作品。佢又話，香港有好多年輕藝術家值得被發掘，又指政治狀況有利啟發藝術家創作同抒發己見，但部分畫家濫用呢個方式圖利或取悅受眾，佢就明言唔多欣賞喇！
